• 3
    EKA
    2017
    Mendi irteera Laguna Negra-Picos de Urbion

    Irteera hau Amalur Mendi Elkartea eta San Benito ikastolaren artean

    antolatzen duten 19.a da. Ekainaren 3an, goizeko 6:00etan, izango da

    irteera, Itzala taberna paretik. Laguna Negrara (1753 m.) iritsi eta, bertatik,

    Pico de Urbionera (2228 m.) igoko gara. 4km-ko luzera eta 1:30- 2 orduko

    iraupena. Tontorra egin eta gero, Duero ibaiaren sorrerara jeitsiko ginateke

    (mendiaren magalean dago) eta, hemendik, GR-86 hartuz, Duruelo de la Sierra

    (1199 m.) herri aldera hartuko dugu. Urbionetik Duruelora 11 km daude.

    Beraz, ibilaldiaren luzera 15 km-koa da denera, gutxi gora behera. Ekainaren

    4ean, igandean, inguruak ezagutuko ditugu ibilaldi motz bat eginez.

    Pertsonako 20 euro izango da irteeraren balioa 16 urtez azpikoentzat eta 65-

    70 € inguru besteentzat. Bertan honako hau dago sartuta: garraioa,

    larunbateko afaria, gaua Covaledako aterpetxean (lozakuen beharrik ez

    dago), igandeko gosaria eta bazkaria otarteko bidez. Beraz, larunbateko

    hamaiketakoa eta bazkaria norberak berea eraman beharko du etxetik

    motxilan. Izena eman amalur.me@gmail.com posta elektronikora idatziz,

    korreo honi erantzunez edo 636979154 telefonora deituz (Iker), ahalik eta

    azkarren. Maiatzak 31, asteazkena, azken eguna. Ez itxaron azken eguna

    arte!!!

    EGUNA: Ekainak 3, larunbata.

    ORDUA: 6:00etan, “Itzala” taberna parean.

    ITZULERA: Ekainak 4, igandea, 19:00ak inguruan.

  • 21
    MAI
    2017
    Mendi irteera Indamendi

    Amalur Mendi Elkarteak eta Ikastolak elkarlanean antolatutako 18. irteera dugu

    hau. Murube mendira zegoen iragarrita igande honetarako baina, bere garaian egin gabe

    geratu zen Indamendi mendira joango gara. Zarautztik abiatu eta, igoera samurrean, 449

    metroko desnibela igoaz iritsiko gara gailurrera. Aizarnazabal, Aia eta Zestoako herriak

    bat egiten dute bertan. 9 kilometroko ibilbidea joan-etorrian, zailtasun errazakoa eta 3

    ordutan (hamaiketakoa barne) egiten dena. Maiatzak 19rako, ostirala, 14:00rako, eman

    behar da izena telefono honetara deituaz: 636979154 (Iker), korreo honi erantzunez edo

    posta honetara idatziaz: amalur.me@gmail.com. Animatu!!!

    EGUNA: Maiatza 21, igandea.

    ORDUA: 8:30ean, “Itzala” taberna parean.

    ITZULERA: 13:30ak inguru.

    OHARRA: Gaztetxoek 2 eta helduek 5 euro ekarri behar dituzue autobuserako.

  • 7
    MAI
    2017
    Mendi irteera ibilaldi neurtua Lazkaomendira

    Maiatzeko 6-7 aste bukaera horretan ospatuko diren Lazkaomendiko festak

    emango diete amaiera aurtengo Lazkaoko jaiei. Hemengo festen antolatzaile-taldeak,

    Amalur eta Ikastolarekin batera, Maiatzaren 7an izango den Ibilaldi Neurtua antolatu

    dute, urtero bezala. Ibilbidea hau izango da: Herriko plaza (irteera), Enpaundi, Beiztin,

    Amondarain, Abalin, Gurutzetxeberri, Maitz Goene, Ixurrene (amaiera). Aukera ederra

    dugu parte hartzeko. Ezin diegu hutsik egin antolatzaileei. Animo! Edozeinek parte har

    dezake baina, gaztetxoek taldeka parte hartzen dutenez, 3, 4 edo 5 kidez osatuko dira

    taldeak. Lazkaomendira iritsitakoan diploma bat jasoko dute parte hartutako ikasle

    bakoitzak eta otarteko edo pintxo bana ere izango dute. Ondoren, bertan izango diren

    jokuetan parte hartzeko aukera ere izango dute. Helduek ere bai.

    EGUNA: Maiatzak 7, igandea.

    IRTEERA: 8:30ean, plazatik.

    HELMUGA: Lazkaomendin, 10:30ean.

  • 28
    API
    2017
    Lazkaoko Kzgunea. Maiatzako planifikazioa.

    Lazkaoko Kzgunean Maiatzan egongo diren ikastaroen planifikazioa honako hau da.

    Hezitzailea maiatzan 16:00-20:00ko ordutegian egongo da.

  • 18
    API
    2017
    LAZKAOKO GAZTELEKUA

    Kaixo gazte!

    Dakizuen moduan, apirilaren 20ean, Lazkaoko Gaztelekuak ikasturteko itxiera jaialdia ospatuko du. Ixtiera hau denboraldi baterako izango da; izan ere, datorren ikasturte hasieran zerbitzua berriro ere martxan jartzea aurreikusten baita.

    Egun honetan, musikaz girotutako jaialdi bat egingo dugu, horrez gain, jolas anitzak zein merendola batez gozatzeko ere aukera izango dugu. 

    Beraz, ANIMATU eta ETOR ZAITEZ!

  • 5
    API
    2017
    APIRILEKO EGITARAUA

    Hementxe duzue ikusgai apirilean zehar Gaztelekuan egingo ditugun ekintzak. Gainera, Aste Santuan ere zerbitzua martxan izango da, oporraldiak elkarrekin gozatzeko asmoz. 

    Beraz, ANIMATU eta ETOR ZAITEZ!

  • 21
    API
    2017
    Lazkaoko txozna batzordearen egitaraua

    Konturatzerako gainean ditugu 2017ko Lazkaoko Festak eta urtero bezala, TXOZNA BATZORDEAK egitarau oparoa osatu dugu festa eta aldarrikapena uztartuz, TXOZNA GUNEAN.

  • 2
    API
    2017
    Mendi irteera Orixol

    Amalur Mendi Elkarteak eta Ikastolak antolatutako 16. irteera dugu hau. Ibilaldi

    paregabea egingo dugu. Arabako Suitza deitzen diote. Aramaioko Etxaguen auzotik (630

    m.) abiatu, Lezeaga lepora igo eta, hemendik, Orixolera (1128 m.). Santikurutzeko

    baselizatik igaroz, ibilbide borobila egingo dugu Etxaguenera berriro itzuliz. Ikusmira

    ederra bertatik: Aramaio bera ikus daiteke ekialdetik, Arabako urtegiak hegoaldetik,

    Gorbeia mendebaldetik eta Anboto eta Udalaitz iparraldetik. 500 metroko desnibela, 11

    kilometroko luzera eta 3:30eko iraupena du ibilbideak. Martxoak 31rako, ostirala,

    14:00rako, eman behar da izena telefono honetara deituaz: 636979154 (Iker), korreo honi

    erantzunez edo posta honetara idatziaz: amalur.me@gmail.com Anima zaitezte!!!

     

    EGUNA: Apirilak 2, igandea.

    ORDUA: ERNE!!! 8:00an, Itzala tabernaren parean.

    ITZULERA: 13:30ak eta 14:00ak bitartean.

    OHARRA: Gaztetxoek 2 eta helduek 5 € ekarri behar dituzue autobuserako.

  • 26
    MAR
    2017
    Mendi irteera Aranzazu - Bellostegi

    Amalur Mendi Elkarteak eta Ikastolak antolatutako 15. irteera dugu hau.  Lazkaotik Arantzazu aldera joango gara oraingoan. Arantzazuko aparkalekutik hasita sakanera jaitsiko gara eta Bellostegi baserritik tontorrera igo (820 m.) Ondoren, berriro Bellostegi baserrira jaitsi, Arriona lepotik Iturrigorrira eta, hemendik, Arantzazura (750m.).

    Ibilaldiaren luzera…….9km.                         Desnibela………………..300m.
    Denbora………………..3:15 ordu.                   Autobusa joan-etorria…1:30 ordu.

    Martxoak 24, ostirala, 14:00rako eman behar da izena telefono honetara deituz: 636979154, email honi erantzunez edo amalur.me@gmail.com postara  idatziz. Anima zaitezte!!!

    EGUNA:  Martxoak 26, igandea.
    ORDUA:  8:30ean, Itzala tabernaren parean.
    ITZULERA:  13:30 / 14:00ak bitartean.

    OHARRA:   Gaztetxoek 2 eta helduek 5 € ekarri behar dituzue autobuserako.
     

Garraioa
<< 2017, maiatza >>
As. As. As. Ost. Ost. Lar. Ig.
1
 
2
 
3
 
4
 
5
 
6
 
7
 
8
 
9
 
10
 
11
 
12
 
13
 
14
 
15
 
16
 
17
 
18
 
19
 
20
 
21
22
 
23
 
24
 
25
 
26
 
27
 
28
 
29
 
30
 
31
 
    
       

>> Hurrengo ekitaldiak

AZKEN IRUZKINAK

Boletina /